NISMA për Kosovën – dega Prizren ka reaguar ashpër ndaj shantazheve që po i bëhen kryetarit të partisë, Fatmir Limaj.
Sipas këtij subjekti politik, EULEX-i në koordinim me politikat që po udhëheqin me vendin po e shantazhojnë Fatmir Limajn, duke ngritur akuza tashmë të vjetruara, por që një mision i dështuar siç është ai i EULEX- it, po provon që përmes këtyre veprimeve, përmbylljen e vet ta bëjë gjoja si të suksesshme.
“Marrë parasysh veprimet e fundit të EULEX-it, veprime të tilla si kjo e shantazhit dhe tentimit për ta ulur rejtingun politik të kryetarit të ‘’NISMA’’ për Kosovën, z.Fatmir Limaj, si dhe tendencat për t’i pamundësuar idetë dhe alternativat politike që po i ofron ky subjekt politik në Kosovë, atëherë ne si degë e ‘’NISMËS’’ në Prizren, ndjehemi tejet të shqetësuar, prandaj dhe reagojmë ashpër ndaj këtyre veprimeve”, thuhet në reagim.
“Konsiderojmë se në momentin kur u kuptua se ideja për krijimin e një fronti të përbashkët opozitar, ide kjo e lansuar pikërisht nga kryetari LIMAJ, i cili në kontinuitet po jep premisat e një dimensioni shpresëdhënës në politikën kosovare, atëherë EULEX-i në koordinim me politikat që po udhëheqin me vendin, morën iniciativën e shantazheve ndaj kryetarit LIMAJ, duke ngritur akuza tashmë të vjetruara, por që një mision i dështuar siç është ai i EULEX- it, po provon që përmes këtyre veprimeve, përmbylljen e vet ta bëjë gjoja si të suksesshme”.
“Përmes këtij reagimi, ne si degë e ‘’NISMËS’’-në Prizren, duam t’ua bëjmë me dije të gjithë atyre që iniciojnë veprime shantazhi, qofshin Misione apo individ të caktuar, se z.Fatmir Limaj dhe NISMA e tij, përfaqëson një pjesë të konsiderueshme të popullit dhe se ka shtrirje politike në tërë vendin. Gjithashtu ka zë edhe në parlamentin e Kosovës, institucion ky që përfaqëson popullin dhe mbi të gjitha ai është një vlerë kombëtare e këtij vendi. Andaj konkludojmë se me veprime të tilla po shantazhohen dhe po fyen të gjitha ato që cekëm më lartë”.
“Ne si degë e ‘’NISMËS’’ në Prizren në koordinim të plotë edhe me të gjitha degët tjera anekënd Kosovës, do të reagojmë çdoherë ndaj këtyre shantazheve që po i bëhen Kryetarit LIMAJ”. /PrizrenPress.com