Prizrenasit që ndoqi me tërfurk e sopatë babain dhe nënën e tij Gjykata Themelore e Prizrenit ia ka caktuar një muaj paraburgim.
M.H. dyshohet se pasi kishte kanosur prindërit kishte tentuar që me sëpatë t`u futej në shtëpi.
“Me datë 30.09.2018, rrethe orës 16:50 minuta, në Prizren, saktësisht në shtëpinë e tij familjare, i pandehuri seriozisht i kanos të dëmtuarit (prindërit e tij) me fjalë vepra dhe gjeste se do të ju shkaktoj një të keqe, në atë mënyrë që pasi fillimisht i dëmtuari fjaloset me të pandehurin, sepse i njëjti kishte shkuar tek lokali i vëllait, nga kjo i pandehuri fillon të bëhet agresiv, fillon t`i ofendojë të dëmtuarit, më pastaj merr një mjet të rrezikshëm ”tërfurk” dhe me të tenton t`i sulmojë. Por të dëmtuarit hyn brenda në shtëpi dhe e mbyllin derën, pas kësaj i pandehuri merr një sopat dhe me të njëjtën tenton ta thyej derën e shtëpisë”, thuhet në njoftimin r Gjykatës së Prizrenit.
Më tej në njoftim thuhet se duke i parë veprimet e të pandehurit, i dëmtuari e lajmëron policinë.
“Me të kuptuar i pandehuri se kanë njoftuar policinë i kanos me fjalë me ç’rast tek të dëmtuarit ka shkaktuar frik, ankth dhe pasiguri për jetën e tyre, duke pasur parasysh faktin se i pandehuri edhe më herët ka pasur sjellje të këtilla të përsëritura ndaj të dëmtuarve, raportet mes tyre janë të acaruara, këto rrethana dhe fakte e arsyetojnë dyshimin e bazuar se me qëndrimin e tij në liri i njëjti mund të përsërisë veprën penale, andaj në këtë fazë të zhvillimit të procedurës, caktimi i paraburgimit është i bazuar dhe ai arsyeshëm”, ka njoftuar Gjykata e Prizrenit.