Gjykata Themelore në Prizren, ia ka caktuar një muaj paraburgim Musli Thaçit dhe Veton Sylkajt nga Rahoveci. Ata dyshohen për rrëmbimin e viktimës I.M.
“Të pandehurit do të mbahen në paraburgim në kohëzgjatje prej një muaji, i cili do të llogaritet prej kohës së ndalimit, data 01.12.2014 në ora 17:00, dhe do të zgjasë deri me datën 01.01.2015”, njoftoi zëdhënësja e Gjykatës Themelore në Prizren, Afërdita Kicaj.
“Të pandehurit dyshohen për shkelje të Kodit Penal , se me datën 01.12.2014, rreth orës 15:40 min në Mamushë afër xhamisë së vjetër,të pandehurit në bashkëveprim kanë rrëmbyer të dëmtuarin përkatësisht viktimën I.M. me qëllim që nga ai të nxjerrin para përkatësisht të përfitojnë dobi pasurore nga viktima i cili ka qenë i ulur në një karrige në skaj të rrugës të cilin e marrin dhe e hypin në veturë duke sjellë në qytet i cili duke shfrytëzuar momentin e volitshëm del nga vetura duke kërkuar ndihmë nga qytetarët”. /PrizrenPress.com/