I. E. (1959) me banim në fshatin Ramjan komuna e Vitisë, ka paraqitur rastin në stacionin policor të Vitisë se ai përmes thirrjeve dhe mesazheve telefonike për rreth 5 muaj rresht ishte i kërcënuar dhe shantazhuar nga një person i dyshimtë i cili kërkonte para në vlerë prej 1000 euro, ose në të kundërt atij do t`i ndodhe diçka e keqe,transmeton Tribuna.
Ismet Hashani, zëdhënës i policisë, tha se njësiti i hetimeve pas një pune mirë të organizuar operative kanë arritur që ta lokalizojnë të dyshimtin A. O. 26 vjeç me banim në fshatin Randobravë komuna Prizren. I dyshimti është arrestuar nga policia dhe është sjell në lokalet e stacionit policor të Vitisë ku është intervistuar. Gjatë intervistimit dhe kontrolleve që i janë bërë telefonit të tij janë gjet dëshmi të bazuara se i dyshimti është i përfshirë në këtë rast. Me urdhër të prokurorit të prokurorisë së krimeve të përgjithshme, rasti dërgohet në prokurori në procedurë të rregullt tha Hashani.