Një person ka humbur jetën aksidentalisht në rrugën Prizren-Prevallë. Aksidenti tragjik ka ndodhur rreth orës 16:20 minuta, përballë restorantit “Sharri”.
Zëdhënësi i PK-së në Prizren, Hazir Berisha tha se ende nuk dihen shkaqet e aksidentit.”Por, që ekziston dyshimi i bazuar se i njëjti nuk e ka përshtatur shpejtësinë e lëvizjes së automjetit ‘Audi’ me kushtet e rrugës e që për pasojë vetura ka dalë nga rruga dhe ka përfunduar në një humnerë rreth 100 metra, ku edhe është kapluar nga flaka duke u shkrumbuar në tërësi”. Sipas tij, në bazë të dokumenteve të gjetur dyshohet se viktima mund të jetë nga Suhareka.
“Në vendin e ngjarjes për hetime kanë qenë të pranishëm drejtori rajonal dhe komandanti i Stacionit Policor të Prizrenit, Kryeprokurori dhe mjekoligjorët. Trupi i pa jetë nuk ka mundur të tërhiqet nga vendi i ngjarjes”/PrizrenPress.com/