Ishte këngëtarja Anjeza Shahini ajo e cila për herë të parë përfaqësoi Shqipërinë, në festivalin prestigjioz ‘Eurosong.
E ndonëse që nga ajo kohë kanë kaluar plotë njëmbëdhjetë vjet, këngëtarja Rona Nishliu dy vjet më parë arriti të sjellë rezultatin më të mirë për shqiptarët deri tani, duke u radhitur në vendin e pestë.
Ndërkaq këtë vit Shqipëria konkurron me këngën ‘Zemërimi i një nate’, interpretuar nga Hersi Matmuja. E kjo këngë sipas sondazheve në faqen zyrtare të ‘Eurosong’ duket se nuk po korr rezultat shumë të mirë. Por, si e shohin Florent Boshnjaku, Bajram Bylykbashi, Ilir Tolaj e Naser Gjinovci këtë këngë, kanë treguar vetë ata në një intervistë për gazetën Tribuna.
Ilir Tolaj: Juria vendosi të dërgojë këngën më të keqe
Në anën tjetër kompozitori i njohur Ilir Tolaj shprehet i pakënaqur me përzgjedhjen e këtij viti. Madje ai nënvizon që kjo këngë nuk është dashur të marrë pjesë aspak. “Në shenjë injorance edhe mosinteresimi total, as që e kom dëgjuar këtë këngë. Nuk më ka interesuar fare duke e marrë parasysh se ku është Shqipëria në ‘Eurosong’. Bile- bile nuk mendoj ta përcjell as ‘Eurovizionin’. Në bazë të disa këngëve që i kom dëgjuar nëpër radio që do të marrin pjesë në Eurovizion, unë mendoj që kjo këngë as që është dashur të marrë pjesë”, ka thënë Tolaj./tribuna/