Zëdhënësi i Komisionit Qendror të Zgjedhjeve në Kosovë, Valmir Elezi, ka thënë se vetëm dje gjatë ditës është arritur të numërohen votat me kusht nga 16 komuna të ndryshme të Kosovës
Valmir Elezi nga Komisionit Qendror i Zgjedhjeve ka treguar dje se votat me kusht janë rreth 25 mijë, të cilat tashmë kanë filluar të numërohen.
Elezi tha për Gazetën Express se aktualisht në Qendrën e Numërimit dhe Rezultateve ka filluar numërimi i votave me kusht për komunën e ardhshme, atë të 17-të.
“Vetëm gjatë ditës së djeshme kemi arritur të numërojmë Votat me Kusht nga 16 komuna të ndryshme të Kosovës. Aktualisht në Qendrën e Numërimit dhe Rezultateve ka filluar numërimi i Votave me Kusht të komunës së 17”, ka thënë Elezi.
Zëdhënësi i KQZ-së, gjithashtu, bëri të qartë se besojnë se ky numërim të përfundojë shumë shpejt.