Policia në Prizren ka vazhduar edhe sot me aksionin për kontrollimin e nxënësve të shkollave. Drejtori i PK-së, Nexhmi Krasniqi tha se gjatë ditës së sotme janë kontrolluar autobusët që bartin nxënësit e shkollave të mesme në relacionin Vërmicë – Prizren dhe Zhupë- Prizren.
“Policia sot ka kontrolluar 46 autobusë, me 1093 nxënës, ku janë gjetur 6-të thika dhe disa mjete të forta, si boksa hekuri dhe shufra metalike”.
“Cak i policisë rajonale sot kanë qenë autobusët e linjave , Vërmicë – Prizren dhe Zhupë- Prizren”, transmeton TVP.
Krasniqi tha se nxënësve që u janë gjetur mjetet e forta i janë marrë të gjitha të dhënat personale. “Rasti i tyre do të shkojë në procedurë të rregullt”./PrizrenPress.com/