Kryetari i bordit të Oda e Afarizmit të Kosovës, Skënder Krasniqi së bashku me anëtarët e bordit Hamdi Malushaj, Lulzim Begaj dhe Hasan Gigollaj, vizituan biznesin prodhues, anëtar në OAK “Liri” në Prizren, ku u pritën në takim nga Arben Tershnjaku.
“Qëllim i kësaj vizite ishte diskutimi lidhur me rrjedhën e procesit të prodhimit vendor që është duke vazhduar këto ditë dhe sfidat me të cilat po ballafaqohet biznesi si rezultat i ballafaqimit me situatën e krijuar nga pandemia globale Covid-19 e që ka ndikuar direkt edhe tek bizneset dhe ekonomia vendore”, thuhet në njoftim të OAK-së.
“U diskutua edhe identifikimi i mënyrave më të favorshme që kjo periudhë të kalohet sa më lehtë dhe të mos lë gjurmë negative në ekonominë e vendit dhe atë se çfarë do të na pres pas virusit corona”.
“OAK shprehu që edhe gjatë kësaj periudhe do të qëndroj afër bizneseve anëtare duke i informuar vazhdimisht për çdo risi dhe duke avokuar kërkesat e tyre tek institucionet relevante”.