Presidenti aktual i Shteteve të Bashkuara, Barack Obama, vlerësoi se Hillary Clinton do të ishte një presidente e shkëlqyer për Amerikën.
Në një konferencë për mediat nga qyteti i Panamas, pas mbylljes së Samitit të vendeve amerikane, Obama dha këtë vlerësim për ish-sekretaren amerikane të Shtetit, rivale e tij në vitin 2008.
“Ajo ishte kandidate e vështirë në vitin 2008, ishte mbështetëse e madhe për mua në zgjedhjet e përgjithshme, ishte një sekretare e jashtëzakonshme e Shtetit. Ajo është mike imja dhe mendoj se do të jetë një presidente e shkëlqyeshme”. Deklarata e presidentit amerikan erdhi vetëm pak ditë pas paralajmërimit të Hillary Clintonit se do të shpallë kandidaturën e saj në garën presidenciale në vitin 2016.