Opozita në Prizren nuk hekë dorë nga kërkesa për dorëheqjen e kryetarit të Komunës, Ramadan Muja. Ata për këtë çështje kërkojnë mbajtjen e një seance të jashtëzakonshme.
Përfaqësuesja e LDK-së, Mybera Mustafa tha se subjekti i saj politik këmbëngulë në mbajtjen e mbledhjes së jashtëzakonshme për dorëheqjen e Mujës.
“Ne kemi kërkuar që të mbahet mbledhja e jashtëzakonshme e cila ditë më parë dështoi për shkak bojkotimit të pozitës”, tha Mustafa.
Për shkak të mosmbajtjes së seancës së jashtëzakonshme, partitë opozitare kanë braktisur sot mbledhjen e Komitetit për Politikë dhe Financa. Në mungesë të kuorumit , kryesuesi i Asamblesë, Kujtim Gashi ka shpallur të mbyllur mbledhjen.
Përfaqësuesja e LDK-së, Mybera Mustafa edhe një herë i ka bërë thirrje pozitës që të mbajnë mbledhjen e jashtëzakonshme për dorëheqjen e Ramadan Mujës.
“Ftojmë pozitën që të respektojë kërkesën e opozitës për mbledhje të jashtëzakonshme”.
Ndërkaq, kryesuesi i Kuvendit Komunal,Kujtim Gashi, paralajmëroi se mbledhja e Komitetit për Politikë dhe Finaca do të mbahet nesër. “Nesër do të mbahet mbledhja dhe besoj se do të kemi kuorumin e mjaftueshëm”, tha Gashi. /PrizrenPress.com/