Partitë opozitare të Kosovës, Lëvizja Vetëvendosje, Aleanca për Ardhmërinë e Kosovës si dhe NISMA për Kosovën, kanë paralajmëruar përsëri protestë gjithë popullorë.
Kjo protestë do të mbahet më 18 prill me fillim nga ora 14:00. Kjo u bë e ditur para pak çasteve në konferencën e përbashkët të partive opozitare, transmeton zeri.info.
Glauk Konjufca nga “Verëvendosje”, ka thënë se protesta është mjeti i vetëm demokratik.
“ Protestat jo vetëm që janë të drejta, ato mund të jenë një mjet efektiv që qytetarët të ndërhyjnë vet përmes organizimit”, ka thënë Konjufca, i cili shtoi se kjo protestë është kundër siç u shpreh ai, kapjes së shtetit.
Po ashtu përfaqësuesit e opozitës kanë thënë se kjo protestë do të jetë paqësore.
Donika Kadaj – Bujupi nga AAK-ja, u ka bërë thirrje të gjithë qytetarëve që t’i bashkohen kësaj proteste.
“ Prandaj si opozitë e bashkuar thërrasim që protesta e 18 prillit të jetë e gjithë qytetarëve të Kosovës kundër kësaj qeverie”, ka thënë Kadaj – Bujupi. /Zëri/