Opozita s’tërhiqet nga kundërshtimi i saj për Marrëveshjet për Asociacionin dhe Demarkacionit, rrjedhimisht nga kërkesa për largimin e Qeverisë.
Liderët e tri partitive opozitare, VV, AAK dhe Nisma janë mbledhur në partinë e Ramush Haradinajt për të harmonizuar qëndrimet për kundërshtimin që do t’i bëjnë Qeverisë menjëherë pas Vitit të Ri.
“Ne këto çaste ne selinë e AAK-se është duke u mbajtur një takim i liderëve te tri partive opozitare”, thuhet në një njoftim të AAK-së.
“Përfaqësuesit e këtyre partive janë duke biseduar rreth harmonizimit te qëndrimeve rreth veprimeve qe do te marrin menjëherë pas vitit te ri, kjo ne raport me qeverinë e Kosovës dhe përgjegjësive te saj për marrëveshjet antikushtetuese qe ka nënshkruar”.
“Opozita beson se qeveria aktuale nuk ka me kredibilitet ta drejtoje vendin”.