Deputetët e Kuvendit të Republikës së Kosovës do të jenë më të ashpër në kontrollin dhe kritikat që do t’i bëjnë Qeverisë Mustafa, sidomos deputetët e opozitës.
Ata thanë se do të jenë gjithmonë aty për t’ia bërë Qeverisë punën më të vështirë. Aida Dërguti, deputete nga radhët e “Vetëvendosjes”, tha se një nga premtimet kryesore të Thaçit dhe Mustafës ishte rritja e punësimit. “Thaçi premtoi 200 mijë vende të reja të punës, Mustafa 120 mijë.
Në televizion Isa Mustafa tha se këto shifra ishin objektiva të përmendura në fushatë, por për realizimin e tyre janë një mori faktorësh që ndikojnë. Pra, e pranoi edhe vetë se ishin thjesht premtime të fushatës sa për ta mashtruar popullin e Kosovës, dhe realizimi i këtij premtimi është i pamundur”, thotë Dërguti./Kosova sot/