Kryetari i ardhshëm i Suharekës, Sali Asllanaj, nuk planifikon të lidhë koalicion paszgjedhor me asnjë subjekt politik. Ai thotë se vednimet e Kuvendit Komunal, do të jenë të arsyeshme për qytetarët dhe se nuk do të jenë politike.
“Nuk i kemi numrat në Kuvend, por besojmë në arsyeshmërin e vendimeve tona që do t’i marrim për qytetarët”, thotë Asllanaj për “PrizrenPress”.
Sali Asllanaj në zgjedhjet e fundit lokale është zgjedhur kryetar i Suharekës. Ai në balotazhin e 1 dhjetorit ka dalë fitues përballë kundërkandidatit të AAK-së, Bali Muharremaj.
Asllanaj vlerëson se gjendja në Komunën e Suharekës është shumë e keqe. Ai paralajmëron ndryshime edhe në Administratë . “Fillimisht do të shikoj gjendjen e Administratës së Komunës, sepse konsiderojë se është shumë e keqe”.
Ai thotë se në ditët e para të punës si Kryetar, do të shikojë edhe projektet që janë dhënë gjatë fushatës zgjedhore.
“Qeveria e AAK-së na ka lënë shumë borxhe ,sidomos ndaj biznesve”. Ai tregon se para këtër vitesh kur ia ka dorëzuar detyrën nuk i ka lënë asnjë borxh “Qeverisë së Kuçit”.
“Ne asnjë borxh nuk ua kemi lënë para 4 viteve. Asnjë problem me stafin nuk e kemi lënë”. /PrizrenPress.com/