Ambasadorja e Turqisë në Prishtinë, Songul Ozan, ka vizituar të premrten Universitetin “Ukshin Hoti” në Prizren. Ajo uroi u.d. rektorin prof.dr. Zahadin Shemsedinin për marrjen e drejtimit të UPZ-së, Ozan dhe Shemsedini janë pajtuar për vazhdimin e bashkëpunimit mes UPZ-së dhe Ambasadës së Turqisë në Prishtinë.
“Për Universitetin e Prizrenit është shumë e rëndësishme që të vazhdojë dhe të konkretizojë edhe më tutje bashkëpunimin me universitetet turke me të cilat është lidhur marrëveshje dhe që të angazhohen për lidhjen e marrëveshjeve të bashkëpunimit edhe me universitete tjera nga ky shtet”, tha Shemsedini.
“Mund të shkëmbehen studentët, stafet akademike dhe përvojat në mes të UPZ-së dhe universiteteve të Turqisë”.
Sipas Shemsedinit, roli i Ambasadës është shumë i rëndësishëm, pasi që mund të ketë rol lehtësues për vendosjen e kontakteve.
Ambasadorja turke Songul Ozan, u shpreh e gatshme, që të mbështes UPZ-në. Ozan është edhe anëtare e Bordit të këtij Universitetit./PrizrenPress.com/