Gjykata Themelore në Prizren, Departamenti i Krimeve të Rënda, ka aprovuar kërkesën e Prokurorisë Themelore të Prizrenit, për caktimin e masës së paraburgimit në kohëzgjatje prej një muaj, ndaj të pandehurve A.B., B.B.(I), dhe B.B.(II)., për shkak të dyshimit të bazuar të veprave penale: mbajtja në pronësi, kontroll ose posedim të paautorizuar të armëve: përdorimi i armës apo mjetit të rrezikshëm dhe lëndimi i lehtë trupor.
Sipas njoftimit për mediat, masa e paraburgimit do të llogaritet prej datës 28.12.2020 deri me datën 27.01.2021.
“I pandehuri A.B., ka kryer veprat penale mbajtja në pronësi, kontroll ose posedim të paautorizuar të armëve nga neni 366 par.1 të KPRK-së, dhe veprës penale përdorimi i armës apo mjetit të rrezikshëm nga neni 367 par.2 të KPRK-së dhe i pandehuri A.B., në bashkë kryerje me të pandehurit B.B.(I), dhe B.B.(II)., kanë kryer veprën penale lëndimi i lehtë trupor nga neni 185 par.2 dhe 1 e lidhur me nenin 31 të KPRK-së”, thuhet në njoftim të gjykatës./PrizrenPress.com/