Në Universitetin e Prizrenit “Ukshin Hoti” janë mbajtur zgjedhjet e para për Parlamentin Studentor.Procesi zgjedhor vlerësohet se është zhvilluar normalisht. Ai është monitoruar nga KQZ-ja.Pjesëmarrja në zgjedhje ka qenë 36.3 %.
Në bazë të rezultateve preliminare, organizata studentore USSH ka fituar 62.30 % të votave, ndërsa organizata studentore USPE 37.70% të votave.
Brenda afatit ligjor, Komisioni Zgjedhor do të shpallë rezultatet përfundimtare nga këto zgjedhje.
Nga këto zgjedhje do të dalin përfaqësuesit e Studentëve në Këshillat Studentore në Fakultete dhe në Parlamentin Studentor për periudhën 2014/2016.
Studentët do të përfaqësohen në Senatin e Universitetit dhe në Këshillat e njësive akademike.