(E plotësuar) Ka përfunduar zyrtarisht votimi në të tri qendrat e vendvotimeve në veri të Kosovës.
Pas mbylljes së tyre tash për numërimin janë duke u përkujdesur vëzhguesit e OSBE, kurse për sigurinë e të gjitha vendvotimeve që do ta përcaktojnë zgjedhjen e kryetarit e Mitrovicës së veriut janë duke u përkujdesur Policia e Kosovës dhe ajo e EULEX’it.
Sipas KTV-së, të trija qendrat e votimit janë mbyllur në mënyrë të qetë dhe nuk ka pasur incidente në kohën kur ato janë mbyllur.
Ndërkaq, sipas agjencisë serbe të lajmeve Tanjug, 21.12 % qytetarë kanë shfrytëzuar të drejtën për të votuar.