Në 18-vjetorin e rënies u përkujtuan sot dëshmorët e Kombit Skender Rexhepi nga fshati Mrasor dhe Fitim Duraku nga fshati Krushë e Madhe i Komunës së Rahovecit, në tubimin përkujtimor morën pjesë zyrtar Komunal, familjar dhe bashkëluftëtar të dëshmorëve dhe shumë qytetarë.
Xhemali Haxhimustafa, nënkryetar Komunës së Rahovecit në fjalën e tij tha se nderimi për njerëzit e sakrifikuar është përgjegjësi dhe obligim. Duke kujtuar sakrificën dhe gjakun e derdhur për lirinë e atdheut, kujtojmë edhe familjarët e gjithë dëshmorëve dhe ju kërkojë që të jeni krenar me bijtë tuaj.
Në emër të familjeve Rexhepi e Duraku, foli vajza e dëshmorit Skender Rexhepi, Agnesa Rexhepi e cila falënderoi Komunën pasi që gjithmonë nderon Dëshmorët e saj dhe të gjithë pjesëmarrësit në tubim dhe tha se Dëshmoret janë të pavdekshëm , në fakt ata me veprat dhe heroizmat e fituan këtë epitet , atëherë kur ne nuk do ti kujtojmë Dëshmorët, duhet të themi që ne jemi të vdekur e jo ata , andaj faleminderit Dëshmorëve që na mundësuan që ti kujtojmë e ne të ndihemi të gjallë.
Vajdin Berisha, kryetar i OVL e UÇK-së dega në Rahovec tha se në këtë ditë të veçantë, dua të shfrytëzoj rastin që në këtë tubim përkujtimor t?ju dorëzoj certifikatat e Dëshmorëve familjes së Skender Rexhepit dhe Fitim Durakut./PrizrenPress.com/