Në 26-vjetorin e rënies së Brigadës 121 “Ismet Jashari – Kumanova”, në Kompleksin e Varrezave të Dëshmorëve në Kleçkë janë bërë homazhe dhe vendosje të kurorave me lule nga bashkëluftëtarë, familjarë, qytetarë dhe përfaqësues të institucioneve, të cilët, duke kujtuar sakrificën dhe gjakun e derdhur për liri të vendit, ripërsëritën se gjaku i dëshmorëve, gurëthemel i lirisë, është dhe mbetet frymëzim për fuqizimin e institucioneve.
Njëri ndër bashkëluftëtarët, Fatmir Limaj, tha se 25 gushti është përmbledhje e gjithë asaj trimërie e dhimbjeje që kanë përjetuar tërë këto male të Berishës nën këtë brigadë, ku vetë komandant Kumanova dha jetën për lirinë e Kosovës, dhe kjo është datë e shënuar për të gjithë dëshmorët e Brigadës 121, pavarësisht datës kur kanë rënë bashkëluftëtarët e tjerë.
Në këtë përkujtim kanë folur edhe bashkëluftëtarë dhe dëshmitarë të shumë ngjarjeve të trishta të historisë së re të Kosovës dhe luftës së UÇK-së në vitin 1998/99./RTK
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit