Është përkujtuar sot 18-vjetori i “Epopes së Vrrinit ”.
Kryetari i Prizrenit Ramadan Muja, tha se kjo ngjarje dëshmoi sakrificën sublime të luftëtarëve të lirisë për çlirimin e vendit.
“ Vendi ku prehen dëshmorët duhet të jetë udhërrëfim për brezat e rinj se sa shumë gjak është derdhur për të jetësuar aspiratat shumë shekullore të popullit tonë”, tha Muja, transmeton TVPZ.
Kryetari i degës së OVL të UÇK-së, Selim Krasniqi, tha se “ Epopeja e Vrrinit” është ndër ngjarjet kryesore të luftës çlirimtare në zonën e Prizrenit.
Rapshine Berisha –Shemsidin,i motra e dëshmorit , Salajdin Berisha dhe Isa Berisha familjar i Heroit, Xhevat Berisha, në këtë ditë përkujtimi për më të dashurit e tyre thanë ndërkaq se ndjehen krenarë për veprat e patriotëve të shquar të cilët ranë herokisht në Lez me 1 shtator 1998.
Pas Landovicës, janë vendosur buqeta lulesh para shtatores së Heroit të Kosovës, Xhevat Berisha në ‘Shatërvan’, ndërkaq janë bërë vizita edhe në fshatin Lez, ku ndodhet lapidari i dëshmorëve, si dhe janë përkujtuar të rënët për liri nga fshati Kushnin.
Të premten duke filluar nga ora 11:00 minuta do të bëhen nderime para lapidarit të dëshmorëve në fshatin Jeshkovë./PrizrenPress.com/
https://www.facebook.com/prizreni.tv/videos/1845411315682064/