Deputetja e LDK-së, Alma Lama dhe deputeti i PD-së, Gëzim Kelmendi janë përplasur ashpër në emisionin “Rubikon” të KTV-së, ku është diskutuar tema “Arrestimet e imamëve dhe rreziku i terrorizmit”.
Kelmendi ia ka përmendur Lamës një video inçizim, ku sipas tij, ka nxitur përçarje, që sipas tij, ka thënë se “hoxhallarët janë idiotë dhe islami është fe e shpifur”.
“Mendoj se për Prokurorinë kanë mjaft materiale të merren edhe me deputetë, siç është rasti i kësaj këtu prezente”, ka thënë Kelmendi duke folur për Lamën.
Përplasja ka ndodhur kur Lama ka thënë se ka vite që imamët që janë arrestuar, nxisin urrejtje.
“Mjafon t’i shohësh pesë minuta nëpër video dhe të shohësh se këta nxisin urrejtje”, ka thënë Lama.
Ajo ka thënë se “dyshon që këta imamë janë pjesë e organizatave terroriste”.