16.8 C
Prizren
E shtunë, 10 Qershor, 2023

Personeli shëndetësorë i prekur nga COVID-19, 25 pacientë nga Kukësi nuk marrin trajtimin me hemodializë në Prizren

Infektimi i personelit shëndetësorë të Repartit të Dializës në Spitalin e Prizrenit ka ndikuar që 25 pacientë nga Kukësi që trajtohen me hemodializë në këtë spital të mos marrin shërbimin.

Në shenjë proteste, pacientët u mblodhën këtë të premte para spitalit të Kukësit ndërsa kërkuan zgjidhje për problemin e tyre, njofton Vizion Plus.

“Kërkojmë zgjidhje nga Ministria e Shëndetësisë sepse neve shpirtin na mban dializa. Kemi bërë dializë të mërkurën, por sot në Prizren nuk na pranuan pasi personeli shëndetësorë i atij reparti është infektuar”, deklaroi një paciente.

U desh ndërhyrja e Ministrisë së Shëndetësisë së Shqipërisë e cila pas negociatave me ministrinë e Shëndetësisë në Kosovë, arritën një marrëveshje për mos ndërprerjen e shërbimit të hemodializës.

Prej disa vitesh, 25 paciente nga Kukësi, Hasi e Tropoja kryejnë shërbimin e hemodializës në spitalin e Prizrenit dhe atë të Gjakovës falë marrëveshjes ndërqeveritare mes dy vendeve

Më Shumë

Foshnja vdiq në makinë, dëshmon babai: Isha i bindur që e kisha lënë në çerdhe

“Nuk e di se çfarë ndodhi, isha i bindur që e kisha lënë vajzën në çerdhe”. Kështu është shprehur babai i vajzës 14-muajshe të...

Ronaldo i propozon për martesë ish-banores së BB VIP

Jori Delli dhe Ronaldo Sharka kanë udhëtuar së fundmi drejt Turqisë, ku herë pas here postojnë në rrjetet sociale foto apo video së bashku. Ditën...

Lajmet e Fundit