Në Prishtinë është përuruar libri “Udhët e një jete” i autorit Rifat Ismaili. Ky libër është një përpjekje për ta pasqyruar karakterin e Isa Boletinit, i cili është paraqitur si i pandryshueshëm.
Libri “Udhët e një jete” i autorit Rifat Ismaili, i cili u promovua sot u vlerësua përpjekje artistike për të pasuruar siç u tha letërsinë shqipe qëllimore.
Autori i librit, Rifat Ismaili, tha se është munduar që përmes këtij libri të sjellë karakterin e Isa Boletinit i cili është paraqitur si i pandryshueshëm. Sipas tij, i gjithë rrëfimi sillet rreth temës së fatit tragjik shqiptar.
Rifat Ismaili ka botuar edhe nëntë vepra të tjera si “Aspekte të prozës sonë”, “Udha e korbave”, “Arkivoli në shi” e të tjera.