Partia Konservatore e Kosovës(PK) ka përshëndet vendimin e MAPL-së me të cilin anulohet vendimi i kundërligjshëm i kryetarit të vetë pezulluar të Komunës se Prizrenit, Ramadan Muja.
“Sot ndodhi edhe absurdi i radhës ku Ramadan Muja në vend se që të respektojë vendimin e Gjykatës Themelore të Prizrenit dhe të japë dorëheqje nga detyra e kryetarit të Komunës, ai menjëherë pa hamendje e respektoi vendimin e MAPL’së duke u kthyer në punë, nga frika që të mos i merret mandati”.
“Partia Konservatore e Kosovës konsideron se është momenti i fundit që kryetari Muja të jep fund veprimeve konfuze dhe të mos vazhdoj me shkeljet e mëtutjeshme të ligjit dhe të ofrojë dorëheqje nga posti i kryetarit të Prizrenit”
“Me aktin e dorëheqjes, ai nuk do të respektonte vetëm vendimin e Gjykatës Themelore dhe nuk do të bënte një veprim që do të kishte vetëm peshë morale, por me dorëheqjen e tij ai do të hapte perspektive të re për Prizrenin”.
“Andaj, kërkojmë nga kryetari Muja që të bëjë këtë veprim, i cili do të ishte më sublim i karrierës së tij politike – të ofrojë dorëheqje dhe të mundësoj një perspektivë të ndritshme dhe me të vërtet evropiane për qytetaret e komunës sonë. Prizrenin do të bëjmë evropian duke vepruar mbi parimet dhe vlerat evropiane, e jo me slogane parazgjedhore!”/PrizrenPress.com/