Shkruan: Faruk Dakaj
Prizrenasit nuk vuajnë vetëm nga keq-qeverisja e Ramadan Mujës me akraballëkun e tij, por edhe nga ata që populli që i ka votuar të jenë kritikë ndaj keq-qeverisjes në Prizren. Pra, ne si shoqëri nuk kemi dëme vetëm nga pozita, por edhe nga opozita të cilët luajnë rolin e satelitit të pushtetit në Prizren. LDK opozitarizmin në Prizren e fokuson më shumë ndaj opozitës sesa ndaj pushtetit, të çoroditur nga etja për pushtet dhe përfitime të majme që kishin në kohën e pushtetit të Eqrem Kryeziut, tash sillen sikur të ishin në aventurat e pushtetit, nostalgjia e dikurshme tash ju duket si realitet në kohën e sotshme.
LDK në Prizren duhet të krijojë një standard të kritikës. Ajo duhet te përcaktohet a është opozitë apo hije dhe bashkëpunuese me PDK-në. Kujt duhet t’i shërben Haxhi Avdyli, PDK-së apo qytetarëve? Nëse ai mendon t’i shërbejë PDK-së, atëherë nuk ka nevojë të proklamojë veten si kryetar opozite, sepse subjektit që ai i shërben në Prizren është PDK-ja, asamblistët e këtij subjekti politik në Prizren janë fare pak kritik, që t’mos themi aspak ndaj pushtetit lokal në Prizren. Shpresojmë që Haxhi Avdyli dhe asamblistët e tij të LDK-së të reflektojnë ndryshe ndaj pushtetit, të mos bëhen marionetë e tyre, sikur që ishin deri me tash.
Në vitin 1999, menjëherë pas luftës, kur PDK mbante tubime për konsolidimin e degëve të saja, Haxhi Avdyli merrte pjesë në tubimet publike në atë kohë që organizohesh nga PPDK-ja, siç ishte rasti në lagjen “Arbana” ku publikisht u bënte thirrje qytetarëve të rreshtoheshin në krah të subjektit të atëhershëm PPDK, tash PDK, i pranishëm në atë tubim publik ishte edhe Hashim Thaçi, Fatmir Limaj dhe inicuesi i atëhershëm I krijimit të nëndegës së PPDK-së (PDK-së) në lagjen”Arbana”, Mursel Plakiqi.
Tash shtrohet pyetja, a kanë diskutuar në ndonjë mbledhje të kryesisë së LDK-së për diplomën e Haxhi Avdylit?
T’ paktën që ata të jenë të informuar për koston e diplomës tij të jashtëligjshme në Universitetin ECPD, pjesëmarrjen e tij nëpër tubimet e PDK-së në kohën e themelimit të saj.
A është diskutuar nëpër forumet e LDK-së mbështetja që asamblistët e LDK-së vazhdimisht I japin PDK-së në seanca të KK Prizren? Pushteti I PDK-së nuk mund të kishte fuqi kaq shumë sikur most a kishte suportin e tij tradicional Eqrem Kryeziun dikur, tash Haxhi Avdylin me asambleistët e tij në kohën e sotshme.
LDK nuk jep shpresë, sepse është PLDK.