32.8 C
Prizren
E shtunë, 20 Korrik, 2024

Pogba po kërcënohet nga vëllai i tij dhe nga persona të armatosur, ia kërkojnë 13 milionë euro

Policia franceze i ka nisur hetimet kundër pretendimeve që i ka bërë ylli i Francës dhe i Juventusit, Paul Pogba, i cili deklaroi se po shantazhohet nga gangsterët, ku përfshihet edhe vëllai i tij, Mathias, i cili gjithashtu është futbollist.

Ky zhvillim u konfirmua për zgjencinë e lajmeve “AFP” nga një burim, përcjell “Gazeta Express”.

Gjithçka doli në dritë kur Mathias e publikoi një video online, në katër gjuhë (frëngjisht, italisht, anglisht dhe spanjisht), duke premtuar se do të bëjë “zbulime të mëdha” për yllin e mesfushës.

Ndërkohë, menaxherët e Pogbas, nëna e tij Yeo Moriba dhe menaxherja e tij aktuale, Rafaela Pimenta, në një deklaratë thanë se videot e shpërndara nga Mathias të shtunën mbrëma nuk ishin “një befasi”.

Sipas mediave franceze, ish-futbollisti i Manchester Unitedit po kërcënohet nga njerëz të armatosur, të cilët po ia kërkojnë atij 13 milionë euro.

E në mesin e kërcënuesve duket se është edhe vëllai i tij, Mathias, shkruan “Gazeta Express”.

Ky i fundit thotë se do t’ia nxjerrë krejt të palarat futbollistit francez.

Mathias ka deklaruar se tifozët kanë nevojë ta dinë se çfarë njeriu është Paul dhe nëse e meriton vendin e tij në ekipin francez dhe nderin për të luajtur për këtë vend në Kampionatin Botëror. /Gazeta Express/

Më Shumë

Malisheva nënshkruan memorandum bashkëpunimi me AKK-në

Një memorandum bashkëpunimi ndërmjet Agjencisë Kadastrale të Kosovës dhe Komunës së Malishevës është nënshkruar sot me qëllim të zbatimit të Ligjit për Kadastër dhe...

Dhunoi seksualisht një të mitur, 20 vjeçari nga Prizreni dënohet me tetë vjet burgim

Gjykata Themelore në Prizren ka marrë vendim për dënim me tetë vjet burgim, ndaj 20 vjeçarit E.H nga Prizreni, i cili kishte dhunuar seksualisht...

Lajmet e Fundit