Policia e Kosovës ka ikur nga shtëpia e ish-Kryetaparlamentarit, Jakup Krasniqi, vetëm një ditë pasi ai i dorëzoi detyrën Isa Mustafës. Sipas ligjit, Krasniqit edhe një vit i takon siguria nga organet e rendit në shtëpi.
Ekspertët këtë veprim e konsiderojnë si shqetësues.
Një ditë pasi ish-kryeparlamentari, Jakup Krasniqi, ia dorëzoi postin Isa Mustafës, Qeveria e Kosova iu hakmor atij dhe ish-bashkëpunëtorit të dikurshëm.
Dje paradite me një “urdhër nga lart” dhe në kundërshtim me Ligjin për Zyrtarët e Lartë, Krasniqit ia hoqën nga shtëpia sigurimin policor, duke i lanë vetëm barakën në oborr. Ndonëse, deri tash ai dhe familja e tij siguroheshin nga pjesëtarët e Policisë.
I kontaktuar nga gazetar, Krasniqi ka thënë se largimi i policisë nga detyra e sigurimit është bërë shumë shpejtë, madje pas një marrëveshje, që të hënën të deklarohet ai nëse i duhet apo jo siguria.
“Biseduam që në bazë të ligjit për të bërë kërkesën për të hënën. Edhe sekretari ka biseduar kështu. Por, dikush iu ka dhënë urdhër që shpejtë të tërhiqen”, ka thënë Krasniqi. (Zëri)