Policia e Kosovës ka bërë të ditur se ka arrestuar një kosovar të cilit në veturë ia janë gjetur shtatë migrantë që janë futur ilegalisht në Kosovës.
Policia ka thënë se aksioni është marrë në bashkëpunim me qytetarët.
“Një person i dyshuar, shtetas Kosovar, është ndaluar dhe për këtë rast është njoftuar edhe Policia Kufitare në Vërmicë”, thuhet në njoftim.
“Lidhur me këtë janë njoftuar të gjitha njësitet e nevojshme policore, është kontaktuar Prokurori kujdestar dhe është marrë rekomandimi që rasti të adresohet në kompetencë të Njësitit të Migrimit për trajtim të mëtejmë të rastit sipas ligjeve në fuqi”, thuhet në njoftimin e PK-së.