Një personi i cili dyshohet se ka organizuar aheng familjar në fshatin Tupec të Prizrenit, i është inicuar rasti në Polici, raporton PrizrenPress.
Sipas raportit 24 orësh të Policisë, i dyshuari dje ka grumbulluar njerëz duke shkelur masat e vendosura nga Qeveria.
“Fsh. Tupec, Prizren 13.08.2020 – 20:22. Ndaj të dyshuarit mashkull kosovar është iniciuar rasti si më latë pasi i njëjti nuk ka respektuar vendimin e lëshuar nga Qeveria duke organizuar aheng familjare dhe grumbullim njerëzish. Me urdhër të prokurorit rasti shkon në procedurë të rregullt”, thuhet në raport.
Ahengjet janë ndaluar me vendim të Qeverisë për shkak të numrit të madh të të infektuarve dhe të vdekurve nga COVID-19./PrizrenPress.com/