Policia e Fierit ka arrestuar një 35-vjeçar, i cili akuzohet se ka tentuar të kryejë marrëdhënie seksuale me dhunë.
Policia bën të ditur se në pranga ka rënë Fedi Xhulaj me banim në Fier, pasi u denoncua nga 20-vjeçarja M.XH., e cila deklaroi në polici se i sipërpërmenduri i kishte zënë pritë dhe kishte tentuar të kryente marrëdhënie seksuale me dhunë me të.
Lidhur me këtë ngjarje vijojnë hetimet për sqarimin e rrethanave, ndërsa bëhet e ditur se vajza ka arritur të shpëtojë nga duart e 35-vjeçarit. Në ngarkim të Xhulaj materialet i kaluan Prokurorisë së Fierit, për veprën penale “marrëdhënie seksuale me dhunë me të rritura, e mbetur në tentativë”.
