20.8 C
Prizren
E diel, 14 Shtator, 2025

Prishtina-Trepça, super finalja e Kupës në Rahovec

Finalja e Kupës së Kosovës në Rahovec do të dhurojë një super ndeshje mes Trepcës dhe Sigal Prishtinës, dy skuadra me traditë në basketbollin e Kosovës.

 

Mitrovicasit për të depërtuar në finale mposhtën Vëllaznimin dhe Rahovecin, kurse prishtinasit eliminuan Bashkimin dhe Golden Eagle Yllin.

Të dy skuadrat janë në formë të mirë dhe pritet një super përballje në Rahovec, ku po zhvillohet Final 8.

‘Xehetarët’ dhe bardhekaltrit ishin ndeshur edhe në finale të Superkupës, që përfundoi me triumfin e kryeqytetasve.

Mitrovicasit janë fitues aktual të kësaj gare, ndërsa në përgjithësi e kanë fituar pesë herë Kupën, kurse prishtinasit kanë fituar 15 herë, për herë të fundit më 2021 në Therandë.

Gjithashtu do të jetë një përballje interesante mes trajnerëve turk, Engin Gencoglu të Trepcës dhe Ahmet Kandemir të Sigal Prishtinës.

Ndeshja zhvillohet nesër nga ora 17:00 në “Mizahir Isma”, ndërsa interesimi për këtë sfidë është i jashtëzakonshëm.

 

Më Shumë

Totaj: Nuk do të ketë befasi në Prizren, do të fitoj prapë

Shaqir Totaj, kryetari i Prizrenit dhe njëherësh kandidati i PDK-së për të parin e këtij qyteti në zgjedhjet lokale të tetorit, ka folur për...

Kryetari Totaj akuzon “Hidroregjionin Jugor” për ndërprerje të qëllimshme të ujit në Prizren

Kryetari i Komunës së Prizrenit, Shaqir Totaj, ka reaguar ashpër ndaj situatës së krijuar me mungesën e ujit të pijshëm në qytet dhe disa...

Lajmet e Fundit