22.8 C
Prizren
E premte, 29 Mars, 2024

Prizren, dështon gjykimi për rrënimin e aneks objektit “Abi Çarshia”

Për shkak të mungesës së anëtares së trupit gjykues, sot ka dështuar të vazhdojë gjykimi për korrupsion ndaj ish-Kryeinspektorit Islam Thaqi dhe pesë zyrtarëve tjerë komunal, raporton Drejtësia Sot.

Bashkë me ish-drejtorin Thaqi, për rrënimin e aneksit tek Abi Çarshia, po gjykohen edhe deputetja Jetmire Vrenezi, Inspektorja e ndërtimtarisë Egzona Morina Thaqi, si dhe tre zyrtarët e Drejtorisë së Inspektoratit Arian Taraku, Isë Bislimaj dhe Shqipëron Krasniqi.

Ndryshe, nga zyra e kryetares së trupit gjykues u bë e ditur qe seanca e sotme nuk do të mbahet ndërsa ajo e radhës u caktua për 14 tetor 2021, me fillim nga ora 10:00.

Sipas aktakuzës, të akuzuarit duke shfrytëzuar detyrat apo autoritetin zyrtar i tejkalojnë kompetencat e tyre me qëllim të shkaktimit të dëmit për “Abi” SHPK – Prizren.

Aktakuza e Prokurorisë Themelore në Prizren, e ngritur 20 dhjetor 2019, përshkruan që zyrtarët komunal kanë vepruar në kundërshtim me Ligjin për trajtimin e ndërtimeve pa leje në atë mënyrë që realizojnë rrënimin e aneks objektit “Abi Çarshia” duke ditur se i dëmtuari ka dorëzuar aplikacionin për legalizim.

Tutje të pandehurit duke mos i përfillur vendimet e Ministrisë së Mjedisit dhe Planifikimit Hapësinor veprojnë në kundërshtim me ligjet në fuqi me ç ‘rast gjatë rrënimit, “Abi” ShPK në Prizren i shkaktojnë dëm në shumën prej 69.729.66 euro.

Drejtësia Sot

 

Më Shumë

Festa Çoçaj po bën jetë super të shtrenjtë, sapo na prezantoi me veturën e saj luksoze

Festa Çoçaj është një personazh shumë i njohur për njerëzit që kalojnë kohë në rrjetet sociale. Ajo është një ndër influenceret më të njohura në...

Kosova mposht Armeninë

 Franco Foda ka debutuar me fitore në krye të bankinës së Kombëtares së Kosovës. Dardanët mundën në udhëtim Armeninë, me rezultat 0-1, të enjten në...

Lajmet e Fundit