Dy persona të dyshuar kanë gjuajtur me armë të zjarrit në shtypin e tre viktimave në lagjen “Kurillë” të Prizrenit. Zëdhënësi i Policisë së Kosovës në Prizren, Hazir Berisha tha për ‘PrizrenPress’ se në vendin e ngjarjes menjëherë ka shkuar patrulla e Policisë.
“Në vendin e ngjarjes menjëherë kanë shkuar dy patrulla policore dhe një epror për hetimin e rastit”.
“Sipas informatave nga vendi ngjarjes, dyshohet se dy të dyshuar meshkuj, me një automjet të llojit Golf IV, të armatosur me kallashnikov kishin shkuar tek shtëpia e viktimave (në këtë rast janë tri viktima) dhe kishin filluar me të shtëna në drejtim të tyre”.
“Pasi ishin ndalur të shtënat, njëri nga viktimat, i cili në ato momente kritike ndodhej në automjetin e tij të llojit “Audi” i kishte dhënë gaz motorit të automjetit dhe e godet automjetin Golf IV të cilin nga shtytja e përplasë në një oborr të huajin”.
“Pasi u kishte humbur ekuilibri të dyshuarve nga goditja e befasishme, të njëjtit pas pak janë këndellur dhe prapë kanë filluar me të shtëna në drejtim të viktimave dhe për fat pa u lënduar askush”.
“Policia përpos provave tjera materiale ka sekuestruar edhe dy vetura e përfshira në rast. Katër persona po kërkohen nga policia si të implikuar dhe që të katërtit kanë marrë arratinë,D. Saramati K. Saramati SH. Kurtaj, Q. Krasniqi”.
“Enkas për arrestimin e të dyshuarve është formuar një grup hetimor i cili në vazhdimësi është duke mbledhur informacione për vendndodhjen e të dyshuarve”. /PrizrenPress.com/