Në vazhdën e përpjekjeve që po bën Policia e Prizrenit për rritjen e nivelit të sigurisë për qytetarët, mbrëmë janë kontrolluar disa objekte, kryesisht ambiente të lojërave të fatit. Gjatë kontrollit të lokalit “Star Game” që ndodhet në rrugën “De Rada”, tek i dyshuari Sh. Kastrati, policia ka gjetur një pistoletë të llojit “M-57” e kalibrit 7.62 mm me pesë fishekë.
Ndërkaq gjatë kontrollit të objektit “X-Bar” që ndodhet tek “Sheshi Shatërvan” tek i dyshuari K. Prenaj është gjetur një pistoletë e llojit ”GT 27” kalibri 25 mm me tre fishekë; një thikë ushtarake dhe një shufër gome.
Lidhur me të dyja rastet është informuar prokurori i shtetit i cili ka sugjeruar që të dyshuarit të ndiqen penalisht sipas procedurës së rregullt. Provat materiale dhe shkresat e lëndëve i kalojnë prokurorisë së shtetit për procedura të më tejme