Gjykata Themelore e Prizrenit, Departamenti i Krimeve të Rënda, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohëzgjatje prej një muaji, ndaj të pandehurit me iniciale E. V. nga fshati Reqan, Komuna e Prizrenit, për shkak të dyshimit të bazuar se ka kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.
Masa e paraburgimit do të llogaritet prej datës së arrestimit, 15.11.2019 dhe do të zgjasë deri më datën 15.12.2019
“Me datë 15.11.2019, rreth orës 23.00, në vendin e quajtur “Biraq”, deri sa ishte në automjetin e tipit “Opel-Zafira”, me tre persona tjerë në trup ka mbajtur të fshehur në një qese një sasi më të madhe të dyshuar të narkotikut të llojit “marihuanë” dhe në një qese më të vogël brenda të cilës kanë qenë të përgatitura për shpërndarje dy paketime të vogla të narkotikut të dyshuar t llojit “marihuanë”, në peshë të përgjithshme rreth. 14.71 gr”, thuhet në njoftim.