15.8 C
Prizren
E martë, 13 Maj, 2025

Prizren: Polici Nuridin Begolli, lirohet nga akuza për keqpërdorim të informatës zyrtare

Gjykata Themelore në Prizren, të hënën, ka shpallur të pafajshëm rreshterin policor, Nuridin Begolli, i cili akuzohej për keqpërdorim të informatës zyrtare.

Vendimin e trupit gjykues e ka shpallur kryetarja e trupit gjykues, Raime Elezi, e cila ka thënë se në veprimet e të akuzuarit nuk formohen elementet e veprës penale për të cilën akuzohej.

Elezi, po ashtu ka udhëzuar të dëmtuarin Deli Hoxha, që kërkesën e tij pasurore-juridike, ta realizojë përmes kontestit të rregullt civil.

Ndryshe, rreshteri i Policisë së Kosovës, Nuridin Begolli, akuzohej nga Prokuroria Themelore në Prizren, se në cilësinë e zyrtarit policor, ka zbuluar informatën zyrtare për personin tjetër, duke i dhënë atij një përparësi që nuk i takon.

Sipas aktakuzës, Begolli ka njoftuar qytetaren A. K., për numrin e veprave penale dhe të kundërvajtjes, të kryera nga qytetari Deli Hoxha, e i cili informacion, ka ndikuar në prishjen e raporteve në mes këtyre dy personave. /betimiperdrejtesi.com/

Më Shumë

Të gjitha biletat për finalen Bashkimi – Trepça janë shitur, pritet atmosferë e jashtëzakonshme në Prizren

Finalja e sontme ndërmjet Bashkimit dhe Trepçës, që do të luhet në palestrën “Sezai Surroi” në Prizren, pritet të zhvillohet përpara një audience të...

Prokuroria e Prizrenit kërkon paraburgim edhe për katër të arrestuar lidhur me laboratorin e drogës

Prokuroria Themelore në Prizren të enjten ka njoftuar se në bashkëpunim me Policinë e Kosovës – Njësia për Hetimin e Trafikimit me Narkotikë –...

Lajmet e Fundit