Një klub nate mbrëmë në Prizren punonte në kundërshtim me vendimet e qeverisë, raporton PrizrenPress
Gjatë shqiptimit të gjobës pronari i lokalit në shenjë pakënaqësie kishte kanosur një zyrtar policor.
“Prizren, 30.08.2021 – 21:24. Njësia policore gjatë inspektimit të lokaleve së bashku me inspektorët e Agjencisë së Ushqimit dhe Veterinës kanë vërejtur se një klub nate ishte duke punuar në kundërshtim me vendimet qeverisë. Gjatë shqiptimit të gjobës personi i dyshuar- pronari i lokalit në shenjë pakënaqësie kishte kanosur një zyrtar policor. Në konsultim me prokurorin rasti shkon në procedurë të rregullt”, thuhet në raportin e Policisë.
Ndryshe, gjatë 24 orëve të fundit, policia rajonale në Prizren ka shqiptuar gjithsej 204 gjoba për mosrespektim të masave./PrizrenPress.com/