Në spitalin e përgjithshëm “ Prim.dr. Daut Mustafa” në Prizren, të premten , është shënuar Dita Botërore e Infermierisë -12 Maji.
Për rolin dhe rëndësinë e kësaj ngjarje të rëndësishme ka folur drejtori i infermierisë, Shqyri Hasani, ndërsa një fjalim të veçantë ka mbajtur drejtori ekzekutiv, Prof. Ass. Dr. Afrim Avdaj.
Fjalimi ka qenë i fokusuar në rëndësinë e punës së infermierisë, ndërsa infermierët e spitalit janë falënderuar për punën profesionale dhe çasjen ndaj pacientëve.
“Ndjesia për të ndarë dhembjen me plagët e pacientëve, si dhe ofrimi shërbimeve shëndetësore për pacientë është virtyti më i lartë i punës dhe profesionit të infermierit. Andaj, unë si drejtor i spitalit, ju përgëzoj për punën dhe angazhimin tuaj dhe kërkoj që të vazhdoni me punën profesionale për të treguar dhr ruajtur vlerat humane, civilizuese dhe etiko-profesionale”, pohoi drejtori Avdaj.
Drejtoresha mjekësore, Dr. Lumnihe Hoxha, ka folur për rëndësinë e bashkëpunimit mjekë-infermierë, Leonora Hoxhaj ka fgolur për rolin e infermierisë në degët kirurgjike, ndërsa Anita salla për rolin e infermierisë në degët internistike.
Ndërsa aktivitetei kryesor ishte ligjërata “ Kujdesi infermieror te pacientët në repartin kirurgjik”, përgatitur veçanërisht për këtë ngjarje nga drejtori i spitalit, Prof. Ass. Afrim Avdaj.
Në këtë ditë të shënuar për punën dhe kontributin e dhënë ndër vite në këtë spital me mirënjohje janë nderuar infermieri, Petrit Koshi, dhe infermierja Servete Gashi.