Kryetari i Komunës së Prizrenit, Shaqir Totaj, së bashku me nënkryetarin Kujtim Gashi, kanë pritur sot në takim themelueset e Institutit të Shëndetit Mendor “White Storm”, dr. Elma Miftari dhe mr. sci. Sara Miftari.
Ky institut, i pari i këtij lloji në Kosovë, ka selinë në Prizren dhe ofron trajtime për çrregullime mendore dhe neurozhvillimore, duke përfshirë edhe kërkime shkencore bashkëkohore në fushën e neuroshkencës.
Me shërbime të hapura edhe për pacientë ndërkombëtarë, “White Storm” po pozicionon Prizrenin si një qendër të re për inovacion klinik në nivel rajonal dhe më gjerë.
“Komuna e Prizrenit do ta thellojë bashkëpunimin me këtë institut unik, të udhëhequr nga gra të shkolluara në universitete prestigjioze, siç është Harvardi,” deklaroi Totaj.
Ky bashkëpunim pritet të sjellë përfitime të dyanshme – duke rritur kapacitetet shëndetësore në qytet dhe duke promovuar Prizrenin si një vend me potencial të lartë për zhvillim të qëndrueshëm në fushën e shëndetit mendor dhe shkencës./PP/
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
