27.8 C
Prizren
E premte, 19 Korrik, 2024

Projektohet rikthimi i Ronaldos në Real Madrid

Ardhja e trajnerit gjerman Ralf Rangnick në pankinën e Manchester United ka ndryshuar situatën e portugezit Cristiano Ronaldo dhe kjo mund të çojë në një ndryshim të ri të ambientit për sulmuesin veteran, i cili edhe pak muaj mbush 37 vjeç.

Në Angli tashmë po spekulohet për një rikthim të mundshëm të Cristiano Ronaldos në Real Madrid në merkaton e ardhshme dimërore.

Portali “Football Insider” raporton se profili i Cristiano Ronaldos nuk përshtatet me lojën me presion të lartë që Rangnick synon të realizojë te Manchester United dhe për këtë arsye emri i portugezit është lidhur edhe një herë me skuadrën madrilene, siç ndodhi verën e kaluar.

Sipas këtyre informacioneve, “Los Blancos” po ndjek nga afër situatën e sulmuesit dhe mund të bëjë hapin e parë në rastin e gjetjes së një boshllëku në situatën e portugezit.

Alternativa tjetër është se janë vetë drejtuesit e Manchester Unitedit që po inkurajojnë një operacion të kësaj shkalle me kërkesë të Rangnick, ndonëse trajneri gjerman ka zgjedhur portugezin si titullar në dy ndeshjet e Premierligës që ka drejtuar deri tani, pas debutimit kundër Crystal Palace.

Cristiano Ronaldo ishte vendimtar këtë të shtunë ndaj Norwichit duke e fituar dhe shënuar penalltinë që i dha fitoren skuadrës së tij.

Më Shumë

Nga gushti nis aplikimi i ri për shtesat, vlera vjetore e skemës 120 milionë

Ministri i Financave, Hekuran Murati në konferencën e sotme të përbashkët me kryeministrin Albin Kurti, tha se një familje që ka tre fëmijë, nga...

Liria prezanton fanellat e reja të frymëzuara nga historia e Prizrenit

FC Liria sot ka prezantuar fanellat e reja për sezonin 2024-2025. Tri fanellat janë dizajnuar duke u frymëzuar nga historia e Prizrenit dhe klubit. "Prizreni,...

Lajmet e Fundit