Shumë shifra janë bërë publike në raportin e koordinatores kombëtare për luftimin e korrupsionit.
Por, Laura Pula nuk ka dhënë asnjë detaj se kush është akuzuar për këtë kohë, pavarësisht se aktakuza është dokument publik në bazë të ligjeve në fuqi, raporton KTV.
Anëtarët e Këshillit Prokurorial e kanë vlerësuar punën e Prokurorive të Kosovës si nën mesatare sa i përket rasteve të korrupsionit.
Nga 866 raste të korrupsionit në gjithë Kosovën, shumë pak kanë përfunduar me aktakuza, sepse më shumë se 50 për qind e hetimeve kanë pushuar ose janë hedhur poshtë kallëzimet penale.
Për të gjetur shkakun e hedhjes poshtë të kallëzimeve penale, Pula ka kërkuar të formohet një Komision punues, por ideja e saj nuk ka marrë përkrahje.
Ministri i Drejtësisë ka shtuar se, me gjithë këshillat e shumtë që merren me luftën e korrupsionit, Këshilli Prokurorial do të duhej të ishte e vetmja adresë për këtë.