Eksperti i çështjeve të sigurisë, Florian Qehaja, pas aktit terrorist në Paris, ka këshilluar institucionet kompetente në Kosovë të ndërmarrin masa dhe të ngritin gjendjen e shkallës së sigurisë në vend.
Ai në profilin e tij në Facebook, ka shkruar se në raste të tilla, të gjitha shtetet ndërmarrin masa, ngritin shkallen e gatishmërisë parandaluese e vepruese dhe fusin në lëvizje gjithë mekanizmat.
“A ka ndonjë lëvizje prej qeverisë përtej deklaratave që dënojnë sulmin terrorist në Francë? Në raste të tilla, të gjitha shtetet ndërmarrin masa, ngritin shkallen e gatishmërisë parandaluese e vepruese dhe fusin në lëvizje gjithë mekanizmat. Gjendja e sigurisë do të duhej të diskutohej në Këshillin e Sigurisë. Mos të pritet me na tregu të tjerët si të veprojmë, mirëpo të qasemi si shtet. Kosova nuk përbën përjashtim në krejt këtë pasiguri sepse rrezikshmëria është asimetrike. Armiku është kudo”, ka thënë Qehaja.