Kandidati i LDK-së për kryetar të Prizrenit, Anton Quni, ka vizituar Parkun e Qytetit.
Ai, aty ka parë papastërti të madhe.
“Mbeturina gjithandej, drurë që u thyhen degët dhe bien përtokë duke rrezikuar jetën e qytetarëve, tualetet jashtë funksionit, ndriçim që punon pjesërisht brenda dhe jashtë parkut, ura e shkatërruar, lumi i mbushur me mbeturina që notojnë mbi të, si dhe kaos e parregullsi gjithandej në parkimin e veturave mbi hapësirën e gjelbëruar të parkut”, tregon Quni.
“Është për keqardhje se si me neglizhencën e paaftësinë e pushtetit aktual, Prizreni u shndërrua nga një qyteti që konsiderohej ndër më të pastërtitë në vend, në qytetin më të ndotur!”.
“Prizreni dhe prizrenasit nuk e meritojnë një trajtim të tillë, prandaj po afron koha kur ata vet do ti ndëshkojnë me votën e tyre këta që dështuan plotësisht në përmbushjen e obligimeve dhe përgjegjësive të veta karshi qytetarëve”.
“Ne zotohemi se parkut dhe hapësirave publike do t’u japim rëndësinë e merituar me përkujdesje maksimale”.