21.8 C
Prizren
E premte, 29 Mars, 2024

Radio Romano Avazo shënon 10 vjetorin e veprimtarisë

Radio Romano Avazo (Zëri Rom) shënon 10 vjetorin e veprimtarisë së saj në shërbim të informimit dhe promovimit të komunitetit rom në Kosovë.

Drejtori i radios” Romano Avazo”, Nexhip Menekshe tha se përgjatë një dekade të punës radio “Romano Avazo” është angazhuar që të jetë lidere në promovimin e identitetit kulturor, shpirtëror, edukativ e informativ të komunitetit Romë në Kosovë.
“Me avancimin e profesionalizimit gjatë kësaj kohe është ndryshuar gjendja informative, duke avancuar drejt një informimi më kualitativ dhe gjithëpërfshirës, i cili sigurisht se ka ndikim në formësimin e një të ardhmeje më premtuese për komunitetin rom në Prizren dhe në Kosovë”, tha ai.

“Duke e pasë këtë objektiv para vetes, stafi i Radio Romano Avazo me një përkushtim dhe vetëmohim ka arritur që të realizojë program 24 orësh në ditë, duke e ruajtur kështu vazhdimësinë e veprimtarisë për një dekadë në informimin e publikut në gjuhën rome, bashkë me realizimin e programeve edukative e kulturore, që promovojnë vlerat e këtij komuniteti”.

“Krijimi i një klime të tolerancës ndëretnike, adresimi i çështjeve të rëndësishme dhe sfidave me të cilat ballafaqohet ky komunitet në ditët e sotme në Kosovë dhe në regjion përmes radioemisioneve tematike kanë qenë tentimet për zhdukjen e paragjykimeve dhe stereotipeve ndaj komunitetit Rom, me synim që të forcojmë pozitën tonë, drejtat e barabarta dhe një integrim e jo asimilim në një shoqëri demokratike të Kosovës”.

“Kontributi i vazhdueshëm i Radio Romano Avazo do të bazohet në gjithëpërfshirje, me realizimin e projekte të përbashkëta ndërsektoriale që do të jenë në funksion të përmbushjes së misionit dhe vizionit të kësaj radioje, që është integrimi i plotë i komunitetit rom në shoqërinë e Kosovës”.

“Gjithsesi mirënjohja më e madhe i takon stafit të radios Romano Avazo, që e kanë bërë këtë medie, një shtëpi të respektuar në Prizren dhe Kosovë kur në muajin Dhjetore të vitit 2007 në emisonin e megjesit u degjua zëri i moderatoreve Fatima Haliti dhe Vera Paqaku: Laqo tumaro taharako kamle shunavde-Shunena o informipya pe romani qhib ano talasya e Radio Romano Avazesko 107.3 MhFM”.

“ Njëherësh çmojmë edhe kontributin e kolegëve nga mediat e shumicës, ku kemi qenë nxënës dhe kemi mësuar këtë profesion, sikurse edhe institucionet kosovare që kanë mundësuar hapjen e kësaj radioje dhe donatorët ndërkombëtar që kanë mundësuar vazhdimësinë e saj”.

“ Pas dhjetë vitesh, radioja jonë ushtron profesionin me një staf më të madh dhe me një gjuhë më të avancuar dhe të begatuar-standardizuar dhe gjithsesi se në këtë formë edhe është mundësuar fuqizimi i pozitës sonë në shtetin tonë demokratik”./PrzizrenPress.com/

Më Shumë

Konjufca: Qeveria s’ka arsye të japë dorëheqje

Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave kur u pyet...

Albin Kurti sot i mbush 49 vjet

Sot është një ditë tejet e veçantë për kryeministrin e Kosovës, Albin Kurti. Ai sot e feston ditëlindjen e 49-të. Kurti ka lindur më 24 mars...

Lajmet e Fundit