Skuadra e Rahovecit është dënuar përsëri nga Federata e Basketbollit të Kosovës (FBK) ka bërë të ditur vetë klubi në fjalë.
Sipas njoftimit të lëshuar para pak çastesh, Rahoveci është dënuar në të holla në shumën prej 650 eurove, duke mos bërë të ditur saktë arsyet.
Ndërsa janë suspenduar Adrian Sharku (drejtor sportiv) dhe Blerim Delibeqa (ndihmës-trajner) me nga një ndeshje mosparaqitje me ekipin zyrtar. Dyshja në fjalë do të mungojë në ndeshje ndaj Prishtinës.
Këto dënime të Rahovecit janë shqiptuar për ndeshjen e fundit të ekipit në përballje ndaj Ponte Prizrenit.