Kryeministri Edi Rama zhvilloi një vizitë zyrtare në Shtëpinë e Bardhë, ku u takua me Presidentin amerikan, Barack Obama dhe Zv/presidentin Xho Bajden.
Në përfundim të takimit, kreu i qeverisë tha se me Presidentin amerikan diskutoi për Reformën në Drejtësi, ndërsa tha se Presidenti Obama u interesua me kënaqësi edhe sa i përket idesë për futjen së fesë në shkollë.
Pas takimit në Shtëpinë e Bardhë, Kryeministri Rama shprehu përshtypjet e para përmes rrjeteve sociale. Ai tha se kaloi një orë të paharrueshme dhe falenderoi Presidenti Obama.Tv Klan
Pritet takimi i Ramës me Obamën
E ndërsa sot pritet takimi mës kryeministrit shqiptar dhe presidentit të SHBA-ve, ambasadori amerikan në vendin tonë është shprehur i lumtur për këtë ngjarje. Përmes një postimi në rrjetin Facebook, Donald Lu shkruan se ky takim vjen në kuadër të 25-vjetorit të rivendosjes së marrëdhënieve Shqipëri-SHBA dhe pas vizitës së suksesshme të John Kerry-t.
“Jam i lumtur që Presidenti Barack Obama do të takohet me Kryeministrin Edi Rama në Uashington sot. Në frymën e 25-vjetorit të rivendosjes së marrëdhënieve diplomatike, dhe pas vizitës shumë të suksesshme të Sekretarit Kerry në Tiranë, kjo vizitë paraqet një tjetër mundësi për të shprehur vlerësimin për të gjithë shqiptarët për miqësinë e fortë dhe bashkëpunimin e palëkundur midis qeverive tona dhe popujve tanë në lidhje me një gamë të gjerë çështjesh të rëndësishme, të tilla si kundërvënia ndaj ekstremizmit të dhunshëm, koalicioni kundër ISIS dhe reforma historike në drejtësi.” – shkruan Don Lu.
Kryeministri i vendit prej disa ditesh ndodhet ne vizite ne Uashington ku po zhvillon takime me zyrtare te larte amerikane. Ne axhenden e Shtepise se Bardhe theksohet se fillimisht do te kete nje takim te Rames me zv.presidentin amerikan Joe Biden dhe me pas me Barak Obamen