Këshilli i drejtorëve i ka raportuar kryetarit të Komunës së Malishevës, Ragip Begajt, për aktivitetet e tyre javore. Në këtë mbledhje është bërë e ditur që në shtator të këtij viti objekti i ri shkollor në Vërmicës, do të hapet zyrtarisht.
Ndër projektet e shumta të cilat janë duke u realizuar në Komunën e Malishevës, si në shkolla, rrugë, kanalizime, ujësjellës etj, drejtori për Urbanizëm, Urim Kastrati bëri të ditur në këtë mbledhje që shkolla në Vërmicë pritët të finalizohet së shpejti dhe në shtator nxënësit e këtij fshati do ti vijon mësimet në objektin e ri shkollor.
Nga ana tjetër drejtori për Shëndetësi, Hajdin Bersisha tha “sa i përket situatës me ethet hemorragjike kemi lajme të mira gjithsesi, dhe qysh tash mund të flasim për rezultatet e para të një punë të madhe që është bërë nga shumë faktor nga shumë segmente, ngase në tri ditët e fundit kemi vetëm një rast nga Malisheva që është lajmëruar me rriqër në QKMF, dhe nuk kemi asnjë të dyshuar apo të infektuar. Krahasuar me vitin e kaluar kemi rënje të numrit të përgjithshëm të të pickuarve, të infektuarve, të atyre që kanë rezultuar me virus pozitiv, dhe ajo më kryesorja është që kemi zero persona që kanë përfunduar me fatalitet që është dallim i madh me vitin e kaluar ku kemi pasur gjashtë persona të vdekur”, tha drejtoi Berisha.
Në këtë mbledhje, janë diskutuar edhe çështje tjera që lidhen me punët ë përditshme të drejtorive komunale dhe angazhimet e drejtorive në realizimin e projekteve të ndryshme, që kanë të bëjnë me rritjen e mirëqenies për qytetarët e Komunës së Malishevës./PrizrenPress.com/