Milot Rashica është futbollisti më i ri i skuadrës së Beshiktashit. Ylli i “dardanëve” është pritur si hero dhe me brohoritje nga disa tifozë të klubit bardhezi.
“Jam mjaft i lumtur. Jam mjaft i ngazëlluar që jam këtu”, ka thënë Rashica.
Mediet turke kanë raportuar se Beshiktashi do t’i paguajë 5 milionë euro për kartonin e futbollistit vushtrrias. Ish-anëtari i Norwich City pritet të nënshkruajë kontratë katërvjeçare me klubin turk, deri në qershor 2027, ndërsa pritet të paguhet 2 milionë euro në vit.